___________________________________________________________

___________________________________________________________

Schoapen Verwaaiden

Voorop dient te worden vermeld
Dat we beide zeer op onze schapen zijn gesteld.

Toen Jaap hier aan de wilgen hing
En van Ewer naar Ulmun ging
Was hai toch ’n hail klain beetje blied
Want hai huifde zien schoapen nait kwiet
Al vanoaf Klaas Jan’s geboorte
Zat hai ien ’n hail best soort
Tesseloars waren ‘t aigenlijk nait
Dreiling lammer waren gain zeldzaamheid

Jaap was as ’n keuning zo riek
Hai kocht ’n strookje laand van Onderdiek
Vlak achter ’t hoes dat kon nait beder
Ongeveer ain honderd vairkande meter
Onderdiek wur zien neie buur
’t land wer den ook nait te duur

En hai haar nog meer geluk
Want hai kochte nog een stuk
En dat lag prezies tussen Elensterweg en Gerrit de Vries
Hai kreeg dat alles veur mekoar
Zunder hulp van ’n moakeloar

Acht schoapen noar Jaap’s onnaiern
Kon hai eerst wel ais prebaieren
Kunstmis kon hai zulf d’r over bainen
Hai kon bak ja wel van Klaas Wouda lainen
Zien aigen bak haar hai op bouldag verkocht
Dei haar nog oarig geld op brocht.

Schoapen kwam’n eerst achter ’t hoes om te wennen
En heur neie woonploats te verkennen.
Moar noa ’n dag of wat
Waar’n ze ’t doar al oarig zat
Buur’n proaten al over dei lelken
Dei haile daag stonden te belken
Dat was doar nog nooit gebeurd
Wouda’s schoapen haren ze nog nooit heurt

“Mörn” zee Jaap “wordt ’t joen geluk
Goan schoapen noar ’t aander stuk”.
Verwaaien haar hai as kind al leerd
En de situoatzie goud bestudeerd.
Vaier man den zol ’t wel goan
Dat waz ain op twei wel te verstoan

Gerrit mos zich op weg verweren
En eventueel de schoapen opkeren
“En” zee Jaap “let op ’t verkeer
Veural van kaant van Menneweer”
Gerrit zee: “Jawel de Waard”
“reken op mie, ik dou mien paart”.

Broer en Knol dei kwa’n ien ’t hok
En kregen van Jaap een lange stok
Dei hielden ze recht overend
As herders uut ’t olle testament

Klaas Wouda kwam d’r ook nog aan sjokken
Moar huifde niks; Jaap haar moar twei stokken
Hai kon wel weer noar hoes tou goan
Moar hai het ’t kieken d’r tou doan

Toun ging ’t schut open
Want Jaap zol veuraan lopen
Hai was volkomen op zien gemak
En rammelde mit vouwerbak
Schoapen kwam’n eerst alle acht of negen
Totdat ze biks ien de goaten kregen
En toun kwam’n ze aal te gauw
En brochten Jaap de Waard ien ’t nauw
Jaap kon nait zoveul begunnen
En zette ’t aal gauw op ’n runnen
En bie weg ging ’t as ’n train
Van Jaap zaag je hier en doar nog ’n bain
Gerrit het ’t spul amper zain

En schoapen luipen al ien ’t neie gras
Dou kwam’n Broer Bakker en Knol pas
Baiden poestten as ’n gent

Jaap ook achter poest en wat van streek
Hiel nog even ’n korte preek
’t ging over schaopen en over gras
En hou ainvoudig verwaaien was
“En volgende keer” zee Jaap “joe zellen ’t zain
Dou ik ’t mouderziel allain”.

(Gedicht over schapen van Klaas Wouda, door ziekte van Klaas voorgelezen door Ella Zijlma-Mulder 19-5-1989)

___________________________________________________________

Naar Jacob de Waard