Menu +

Reinder van der Molen

ZUURDIEKSTER KERK

Op lutje wier haangt òl kerkje
ien scholders van aiwen geschiedenis
Grode roamen brengen n saluut
aan laange noamen van dikke boeren
onner oetsleten stainen ploaten

Riekdom ien pure ainvoud. Gain
haandsneden herenbaanken, pronkje
preekstoul, reuze raauwbòrden,
örgel van grode noam. Boeren binnen
gain jonkers. Boeren binnen boeren

Kerkhof aan voutenend wier
n Kaptoal aan staingoud. Hoezen
veur aiweghaid. Oet tied kommen
mag wat kosten. Boeren blieven
boeren: boas ien en onner eerde

Reinder van der Molen, meert/pril 2012